ກອງປະຊຸມເຜີຍແຜ່ນິຕິກຳຂະແໜງການໄປສະນີ ແລະ ເກັບກຳຂໍ້ມູນ ບັນດາຜູ້ປະກອບການໄປສະນີ ຢູ່ 02 ແຂວງພາກເໜືອ

07/03/2024

ກອງປະຊຸມເຜີຍແຜ່ນິຕິກຳຂະແໜງການໄປສະນີ ແລະ ເກັບກຳຂໍ້ມູນ  ບັນດາຜູ້ປະກອບການໄປສະນີ ຢູ່ 02 ແຂວງພາກເໜືອ

         ໃນລະຫວ່າງວັນທີ 21-23 ກຸມພາ 2024 ກົມໄປສະນີ ໄດ້ຈັດກອງປະຊຸມເຜີຍແຜ່ນິຕິກຳກ່ຽວກັບການສະກັ້ນການນຳໃຊ້ຕາໜ່າງໄປສະນີ ຂົນສົ່ງຢາເສບຕິດ ໃຫ້ຜູ້ປະກອບການຂະແໜງການໄປສະນີ ແລະ ລົງເກັບກຳຂໍ້ມູນ   ການດຳເນີນທຸລະກິດຂອງບັນດາຜູ້ປະກອບການໄປສະນີ  ຢູ່  ແຂວງໄຊຍະບູລີ  ແລະ  ແຂວງຫຼວງພະບາງ  ໂດຍການນໍາພາຂອງ ທ່ານ ສຸລິຍາ ຄຳບູຣາວົງ ຫົວໜ້າກົມໄປສະນີ ແລະ ທ່ານ Sangki BYOUN ຊຽ່ວຊານອົງການ NIPA ຈາກ ສ ເກົາຫຼີ ປະຈຳການຢູ່ ກົມໄປສະນີ ພ້ອມດ້ວຍຄະນະ, ມີຜູ້ເຂົ້າຮ່ວມ ທີ່ມາຈາກພະແນກ ເຕັກໂນໂລຊີ ແລະ ການສື່ສານ ແລະ ບັນດາບໍລິສັດຜູ້ປະກອບການໄປສະນີ ແຂວງລະ 29 ທ່ານ.

---------------------------------------------------------------------------------------------------------------------------------------------------------------------------------------------------------

         ຈຸດປະສົງຂອງກອງປະຊຸມຄັ້ງນີ້ແມ່ນ ເກັບກຳສະພາບການພັດທະນາ ການບໍລິການໄປສະນີໃນແຕ່ລະແຂວງເພື່ອ ສ້າງເປັນບົດວິໄຈການພັດທະນາວຽກງານໄປສະນີຂອງບັນດາແຂວງ ພ້ອມກັນນັ້ນກໍ່ໄດ້ຖືໂອກາດດັ່ງກ່າວນີ້ເຜີຍແຜ່ບັນດານິຕິກຳທີ່ກ່ຽວຂ້ອງເປັນຕົ້ນແມ່ນ ການສະກັ້ນການນຳໃຊ້ຕາໜ່າງໄປສະນີຂົນສົ່ງຢາເສບຕິດ, ຂໍ້ຕົກລົງ ວ່າດ້ວຍມາດຕະຖານສະຖານທີ່ບໍລິການໄປສະນີ ສະບັບເລກທີ 957/ກຕສ,  ລົງວັນທີ 16 ມີນາ 2023ແລະ ຂໍ້ຕົກລົງ ວ່າດ້ວຍການກຳນົດສິ່ງຂອງເກືອດຫ້າມໃນການບໍລິການໄປສະນີ ສະບັບເລກທີ 168/ປທສ, ລົງວັນທີ 23 ມັງກອນ 20217. ຊຶ່ງເປັນນິຕິກຳທີ່ສຳຄັນ ປະກອບດ້ວຍມາດຕະຖານປ່ອງບໍລິການ, ມາດຕະຖານສູນແລກປ່ຽນເມ ແລະ ຕົວຊີ້ວັດຕ່າງໆ, ພ້ອມກັນນັ້ນກໍ່ໄດ້ນໍາສະເໜີວິທີການກວດກາມາດຕະຖານ, ວິທີຄິດໄລ່ການເກັບຄ່າທຳນຽມ ແລະ ຂັ້ນຕອນໃນການເກັບກຳສະຖິຕິ, ແລະ ແນະນຳແບບຟອມຂອງການເກັບຂໍ້ມູນ ການພັດທະນາຂະແໜງການໄປສະນີໃຫ້ພະແນກເຕັກໂນໂລຊີ ແລະ ການສື່ສານ ແຂວງ ແລະ ບັນດາຜູ້ປະກອບການໄປສະນີ ເພື່ອໃຫ້ມີຄວາມເຂົ້າໃຈຢ່າງເລິກເຊິ່ງ ສາມາດນຳໄປຈັດຕັ້ງປະຕິບັດເຂົ້າໃນວຽກງານຕົວຈິງໄດ້. ນອກຈາກນັ້ນ ຄະນະ ຍັງໄດ້ລົງຢ້ຽມຢາມ ແລະ ເກັບກຳຂໍ້ມູນ ບັນດາຜູ້ປະກອບການໄປສະນີ ທີ່ເຄື່ອນໄຫວດຳເນີນທຸລະກິດ ຢູ່ສອງແຂວງດັ່ງກ່າວ.

 

ແຈ້ງ ແລະ ລົງທະບຽນກອງປະຊຸມ
ຊົມເຊີຍ ວັນໄປສະນີແຫ່ງຊາດ ແລະ ວັນໂທະຄົມມະນາຄົມແຫ່ງຊາດ 13 ມີນາ ຢ່າງສຸດໃຈ!
ວິໄສທັດ-ຍຸດທະສາດ-ແຜນພັດທະນາເສດຖະກິດດິຈິຕອນແຫ່ງຊາດ
ຊົມເຊີຍວັນໄປສະນີໂລກຄົບຮອບ 149 ປີ
Facebook